💕గజల్ 💕
కలలు జారి పోతుంటే నీ తలపులు భద్రం!
నీళ్ళు పడిన నేల పైన నీ అడుగులు భద్రం!
సంపాదన కైపు లోన కన్ను మిన్ను కానవు
వయసు బుసలు కొడుతుంటే ఆ పరుగులు భద్రం!
సంసారం సాగరమే సుడులున్నా తప్పదు
నాటు పడవ షికారు లో ఆ అతుకులు భద్రం!
లక్ష్యం పవిత్ర మైతే నీదేలె తుది గెలుపు
కోర్కెల వలలొ దేవుడి కిచ్చె ముడుపులు భద్రం!
కాలానికి సరిదిద్దే ఒడుపున్నది తెలుసా
ఈ రంగుల రాట్నం లో నీ పదవులు భద్రం!
అయిన వాళ్ళు కాని వాళ్ళు అన్నీ ఒక ముసుగే
గాలి ఎక్కు వై నపుడే మీ గొడుగులు భద్రం!
ఎందుకు ఈ ద్వేషాలూ వైరాలు ముకుందా
మనసారా సాగ నంపు ఆ మనుషులు భద్రం!
-----------------------------;-------------------------------
తెలుగు గజల్...
రచన.. ఆచార్య ముకుంద సుబ్రహ్మణ్య శర్మ
వరంగల్
ఈ గజల్ పూర్తిగా నా స్వంతమే అని ధృవీకరించు చున్నాను..
ఇట్లు
ముకుంద శర్మ
విశ్రాంతి ఆచార్య
కాకతీయ విశ్వవిద్యాలయం
వరంగల్ 506009 India
Mob 9849257174